Раскошното куве Монтеко Филип освојува на прва со уникатниот вкус добиен од совршен сооднос на мерлот, вранец и каберне совињон. Резултатот е инспиративно вино во рубин црвена боја со виолетови поттонови, кое креира вистинска симфонија на полн и комплексен вкус на овошје збогатено со зачински билки. Суптилниот допир на ванила и чад само го надополнува чувството на возвишеност при дегустацијата.

Вистинската инспирација за уживање доаѓа во комбинација на ова вино со срнечки бут или печено говедско месо, а совршената спојка се создава и со различни видови тврди овчи сирења.

Раскошниот вкус на Монтеко Филип ќе го чувствувате уште долго после секоја голтка.